وعد الحب

شفت حنان عمرى مشفتوش  من نظرة عين من وسط رموش

رديت لة النظرة بكل حنان مع  بسمة وكلمة بصوت رنان

مسمعش كلامى  ولا رد علية بصلى بعيونة  بتقولى اية

انا شايفك انتى ملاكى الحارس وشايف نفسى امير احلامك

بس خلاص متقلش كلام عينك  غنت بالالحان احلى كلام فى الحب اسمعة اجرى علية وعمرى ما همنعة

ضم حنانى بشوق ما تسيب ولا اغمض عينى ولا انسى حنينة

شوقى فى قلبى ومالة حدود مهما وصفت  فى وصفى وعود

وعد بحبى لطول العمر تبقا حبيبى  وكل نصيبى

انت الحب الغالى الصافى ييجى فى مرة فى عمر الصافى

صافية وربى بحبى انا عالم ليك يا حبيب القلب وشاهد

بحبك حب  المية لنيلها 

بحبك حب الطفلة لابوها

بحبك حب الام لروحها

بحبك حب حبيب لحبيبة وبينهم وعد وعمرى ما اسيبة

هفضل اقول احبك  طول عمرى  ووصفى لقلبك مش هيخوننى

بحبك

جعل منى حواء لقلبه

عندما تتهافت المشاعر وتسبق الاحساس لكى تصل

الى قلب من نار الشوق احترق تأخذ فى طريقها

للعين مسار قد لا يكون طويلا لكنة يتمنى لو يخرج من القلب الى العين بلمح

البصر حتى يشعر المحب بلوعة الحب فى عين من يحب

تأخذ العين النظرة البعيدة من داخل القلب الدامى الساكن المنتظر للحظة العشق

التى صنعها هو ومن يحب حتى تراءت لة اللهفة فى العيون والصدق فى الجفون

افتح عيناى على صوتة فقد همس لى حتى افيق من غفلتى وقال لى

أفيقى يا أميرتى فقد فتحت عيناى ولم اجد عيناكى فائقة نائمة كالملاك هل لى ان اجعل ملاكى فائقا حتى انظر الى عينية؟

هل أفتحهما رغما عنكى ام اضع يدى عليهما حتى يشعرا بى ويفتحا لى باب الامل من نظرة تخلقينها فى داخلى ؟

ام اهمس اليكى افيقى يا حببيتى يا رفيقة الدرب ؟

كفانى تساؤلات افيقى يا حبيبتى لتنيرى حياتى وتكونى لى نورا اسير على خطاة

ها انا ذا يا حبيبى فتحت عيناى على همسك على حبك واسمعك يا اميرى مذ ان بدات بالهمس ولكن عيناى أبت ان تنظر اليك لانها تعشق

كلماتك ها انا ذا ارى عالمى بداخل قلبك

هل لى ان اغلقهما حتى اسمع غناءك وانت تهمس لى بحبك لى واشتياقك لعيناى ؟

لا لا حبيبتى دعيهما لى وحدى حتى انظر اليكى واعشق ملامحك اجعلى عيناك ملاذا لعذاب فراقى عنك حتى وانا نائم اعشق رؤياك

لكى الحب يا حواء قلبى لك ومنك العشق يا رحيق زهرى

صنعت منى حواء وخلقت بداخلك آدم

شهر 2 العيد عيدى

i love u all my friends

ازيكوا يا اصحابكوا وحشتونى اوى اتاخرت كتير عليكوا لظروف

وحشتنى مدوناتكوا وكتاباتكوا بصوا بقة الشهر دة مفيش بوست جديد

قولوا لى لية يا بيرى ؟

اقلكوا اعلنت حالة الطوارىء لية شهر 2 دة احلى شهر فى حياتى لية بقة وحياتكوا طبعا ههههههههه

علشان انا اتولدت فية هههههههه رخمة اوى صح

عيد ميلادى فى شهر دة بالظبط بالظيط يوم 28 شفتوا يوم مميز اوى اتلحقت قبل اللى بعدة بيوم

كنت هعيط كل اربع سنين بس الحمد لله ربنا عارف انى هطلب منكوا هدايا المهم هتقولوا طيب ماشى نعمل اية يعنى

اقلكوااااااااااااااااااااا

كل مدون وشاعر جميل هيدخل طبعا هيقرا طبعا اول حاجة هيقولى كل سنة وانتى طيبة

بعدها بقة مطلوب من كل مدون يعرفنى ميعرفنيش يحبنى يكرهنى يكتبلى حاجة ان شاء الله سطر

فى الكومنت بردو مش فى مدونتة يعنى مثلا بيرى يا قطفوطة يا طعمة يا كتكوتة فى عيد ميلادك ليكى عروسة هههههههههه

لية بقة انا عاوزة كدة علشان شرف ليا ان كل مدونين هيكتبوا لى سطر فى الرد ليا

علشان بقة انا بعد ما الشهر الجميل دة يخلص اخد كل اللى اتكتب ليا فى مدونة خاصة بيا

فيها ذكرياتى مع المدونين وهداياهم ليا حتى لو كلمة اتمنى تكونوا فهمتونى الوحى هينزل عليكوا وانتوا بتردوا انا عارفة هههههه

يارب مكنش هتعبكوا علشان بحبكوااااا كتير هتوحشونى اوىىىىى هدخل اشوف انا كل يوم

هتوحشونى باى يا اصحابى

حمــــامة سلامـــــــــى

لية كل ما اقرب من عنيه بحنله

ليه بكل احساسى اشتقت له

يمكن علشان هوة اللى فى قلبى انا برسمه

غنى يا قلبى لحبيبك بصوتك وحتى فى بعده هيوصل سكوتك

بحب حبيبى عايشه وببعتله حنانى

ولحمام الحب انادى تعالى وخدى جوابى

طيرى فى السما بفرحه وانقلى لعنيه الفرحه

قولى له وحشت عينى وقلبى وكل سنينى

يا مالك قلبى بصوتك وحنين عنيك فى سكوتك

اقفى على شباكه ناديه باسمه نادى

حبيبتك جيه ليك وبالرساله بتهاديك

بدموع عنيها كتبت بدم القلب رسمت

هياخدها منك برعشة ولهفة قلبة واضحة

من لمستك يا حمامه لمحيلة واشتياق قلبى وصلى له

هتلاقى عنيه فى حيره وجوة قلبه غيرة

متقلقيش علية بحبى ريحيه ان لمست اديا عليكى هية ليه

ومتخبيش علية انا جوة قلبى اية

هيبوس راسك كمان ويتحدا الغياب

هيهمسلك بكلمه وهيندهلك باسمك

طيرى ساعتها وتعالى يا حمامة سلامى

نادينى باسمى نادى واحكى لى عنه الغالى

فى حضنى اخدك واهمس واسمع واقرا ملامحك

حبيبى قالك اية سلمتى لى عليه؟

هتردى عليا امتا انا قلبى كله حيرة

.....هحكيلك كل حاجة بس سيبينى اقول بهداوة

بيحب فيكى صوتك وهمسك وفى سكوتك

بيحب تحكى لية عاللى انتى حاسة بية

اقولك اية كمان بتجيله فى المنام

تحكلى له عاللى فات وتوصفى السكات

همسلى كلمة ليكى انه عاشق عنيكى

قاللى كلام كتير وكسفنى انا اصلى طير

خلاص انا قلبى داب بكلامك يا حمامه السلام

سلامى ليكى انتى بس يا حمامه الحب والهمس

روحى يلا فى سلام والسلام مش ختام

هناديكى فى حلمى تانى توصلى له سلامى

هقابلك امتا تانى يا رومنسية زمانى

سلام لأهل السلام

حبيبى قالى وأنا قلتله

حبيبى قاللى كلام موزون وبيتغنا على المقسوم

قسم قلبة وقاللى اختارى وانا طول عمرى حبه فى دارى

بحبه عشان حبه المجنون واغنى معاه ولا عمرى ألوم

هحكى معاكوا كلام اغنيه متغنيه دى احلى هديه

هدانى بحبه وقالى اسمعى تهت معاها قالى اتأثرى

بحبك حب يا صبيه ومهما اتدلعتى عليا

لا اعديلك بحور وانهار واجيبلك مهرك بأديا

فى عنيكى السحر جماله مش عادى

لعنيكى انا يصبح ليلى نهارى

بشكى الصبر وأقول أيوب

يشكى لى حاله وأقول مغلوب

لعنيكى انا بسهر ليلى يا اماره

عمرى ما قلت اديكى أماره

وما حيلتيش ولا حتى عماره

حيلتى حنان وهدفيكى بيه وحيلتى الحب طريقنا أروية

وانتى فى حبى طريقى أساسى ليكى بعيش وانا رافع راسى

بتحد انا بيكى قلوب وعيون

لو عشت انا ليكى هعيش مجنون

جة هنا دورى عشان اردله حرف وغنوة منا ارتحتله

شفت الحب معاه وعشتله

ومهما حكيت أيوة ارتحتله

عايشة فى حبه احلى ليالى

ومهما حكولى حبه بيحلالى

بحب حب كتير مجنون

خد ايدى يلا على الماذون

نحقق حلم كبير وجميل

فى حلال ربك بينا شهود

غنى يا ناى وادعى لحبنا

يكبر والهوا بقة يضمنا

بحبك

الــــــــــــــــوداع

اشتقت اليه وبالحب كافأنى

اقتربت منه وبالهجر احرقنى

سالت قلبى لما الفراق ؟

توجهت لربى وقلت رجائى

اجبنى يا من هو بالخلق اعلم

اهدينى لحل قد صار لى خافى

هلمى يا روح السماء

وانتشلينى من الظلمة

وفى البغض لا تتركينى

فؤادى صار للجمر صديق

وفوق اللهيب وللحب اصبح كالحريق

وعلام الانتظار والموت أقرب ؟

وعودا حميدا وليس العود أحمد

كن بعيد وبالبعد انا أجمل

يا من كان للقلب اقرب وهو الان بعيد عنه وكانه يبغضه

جنــــــــون الحــب

بحبك حب بطبعه جنونى أساطير الحب فى حلمى انا جولى

عاوزين قصه ورسمه وأغنية

مهو حبى انا و انت حقيقة كونيه

كلامى عليك كتير وجوة فى قلبى أخبية


من عين حبيب مطلش

وحببب حكايتة انطفت

من عين حاسد وحسود

وعيون مش قاصدة تجرح بس بهوانا بتحلم

تعيش لو حتى لحظة

بخبيك جوة عينى وبالننى تراعينى

منا اسمك انت شايلة وعمرى ما كنت حايرة

قبل الليلة اللى فيها ملكت الدنيا بيها


لحظة حب موجودة وفى كل كلمة مسموعة


يا حب زية ما فى

احتار فية الغنا يتغنا

بناى حزين ولا يتغنا تقسيم

مهو نغم حزن لقلبى توصل وبهمسة حلوة

على الشريان طريقها واحد تخرج تلاقى العين بدمعة

مهو اصل الناى حزين غنا باسمى العبير

رح اجرب التقسيم واضرب شريان وفرحة واخلى الدنيا بهجة

وهتدمعى يا عينى طيب ازاى أعبر عن حبه


الله اكبر

من عين الألف حاسد وعزول وأى حاقد

سمى بالله علينا دة الحب جى لينا

حبى وحبك بحرف وجمله بأحلى وصف

بحبك حب أبدى وعلية العين بتجرى


بحلف برب العباد أصونك فى الغياب

وادعى ساعة الآذان ترجع ليا بسلام

مكتوب أسامينا فوق فى كتاب الرب قال

طيب من أصل طيب هتلاقى بنت طيب

يجمعكوا اسم طاهر ورباط ما يكونله آخر

بحبك حب جنونى

I DoNt KnOw

بصراحة يا اصحابى انا مش عارفة اكتب اية لانى مودى مش حلو خالص اليومين دول

وعوزاكوا تدعوا لماما تقوم بالسلامة علشان تعبانة بجد دعواتكوا ليا ولماما ربنا ميحرمنيش منها


انا حبيت افضفض معاكوا علشان انا متدايقة ومخنوقة والايام المفترجة دى ان شاء الله تخفف عننا



مش هطول عليكوا لانى بصراحة معنديش كلام جديد ومتزعلوش منى انى منزلتش البوستات الجديدة


بس ان شاء الله اول ماما ما تخف وتبقة كويسة هنزل الجديد وهتكب كل حاجة حلوة ربنا يخليكوا ليا

اسيبكوا بقة عشان ما تتنكدوش الدنيا مش ناقصانى

يــــــــــــــــــــا الله

اللهم صلى وسلم وبارك على سيدنا محمد سيد الخلق أجمعين



كلامى لك منك يا مجيب دعواى





سلامى عليك ولك منى شكواى



اشكو الزمان طويل العماد


راجية اللقاء وبيدى الفؤاد


فؤادى بحبك يحيا

يـــــــــــــا الله



وكيانى لك يسقط يا الله

وبحب نبى العباد


علية أصلى واليه تطير الكلمات



حروفى لها نور من نور صاحب النور


يا فجر الصباح افتخر بلقياك


تذكر دعواى يوم تفتحت السماء


بك نحيا ولك نحيا


يضيع الوقت وبك نرضا استجب رجائى


واسمع ندائى

يا مجيب يا كريم يا رازق النمل فى مسكنه


وحامى الضعيف وبك مأمنه


احمى عبدتك لك ترجو ومن سواك انا ادعو


بك الحياه وفى يدك الممات


يا مالكنا لك الملك ندعوك خيرا فى شهر خير من ألف شهر

اللهم


احفظنا

اكرمنا

اعصمنا

باركنا

راعينا

حامينا

آمين

رمضان كريم

بـــــــــــــــحب قلــــــــــــــــــــــبى

3 وردات واسم وكلمه بألف حرف

سبحانه خلقه فينا ده الحب نعمه لينا

فى القلب تتوه ملامحه فى العين بلاقيه بشكله

الله اكبر عليك محروس من ألف عين

علمنا نحب بيه ونخاف كتير عليه

ده الدم فيه له غايه فى عروق ملهاش نهايه

عالمخ طريقها واحد

يشهد رب العباد انه أبدع فى خلقه مهو أصل


القلب ده أسمه


أحلى الأسامى هوه ونفسى اعيش انا جوه

اشوف ازاى بحب ويدق لمين القلب

ده فى كل غنوه انت

وصفت انا فيك كتير وده لأنك أمير

والله فارس فى ساحتك ويشهد ليك برائتك

هتقللى بالغتى فيا أقلك آه بالغت منا أصلى بيك أنا عشت

ودق القلب نوبه وعمرى ما قلت توبه

يا أبو أحلى دقه انت

يا حببب الكل ما انت واجع فينا أحنا حبه ومحير الأحبه

وترجع تستخبا وتقول ده حببينا خان وكمان ملوش امان

كلم قلبك وقلله هيشيل الحمل كله

وكلميه وقولى له عن حب فاتت سنينه

خدوها منى كلمه انا دلعته ولقيته بيكلمنى فى سكوتى وصحيح مش عالى صوته

ده صوته احلى صوت وبيعللى السكوت ويحوله لأغانى وليها معنى تانى


كلم قلبك ده نعمه واللى يكرهها يعما


مجنونه بحب قلبى علشان ألاقى من يحبه

تـــــــــــــــــــــاج الشقــــــــــــــــــاوة

هاى يا احلى اصحاب وخصوصا اسامة الاخ الجامد جدا بعتلى تاج شقى موت ومليان حجات شقية اوى هنشوف هقدر اجاوبها ولا اية يارب استر


السؤال الأول


هل سبق ان فكرت فى اعمال مجنونة ؟


بصراحة طول الوقت الاعمال بتاعتى مجنونة بحب اهزر كتير واشتغل اللى قدامى


يا حببيتى يا ماما دايما بخضها اطلع كدة فجاة حركات مجنونة هههههههه





السؤال الثانى

هل نفذت هذة الافعال المجنونة ؟

دايما بنفذ افعال مجنونة مع اصحابى مع اى حد قريب منى


السؤال الثالث

ما هو رد فعل من عرف بالافعال ؟


ولا حاجة بنهزر ونضحك الدنيا مش مستاهلة


السؤال الرابع


هل علم احد بها ؟


الله مهو طبيعى يعلموا منا بعملها قيهم مش من وراهم هههههه



السؤال الخامس


ما هو احساسك بعد الافعال المجنونة ؟



احساس جميل لاننا بنهزر ونضحك فا بكون مبسوطة

اصلى مبعملش حجات فظيعة يعنى عادى بس بهزار



السؤال السادس

هل قمت بفعل جنونى كاد ان يودى بحياتك؟


لا ههههههه يا ساتر انا بخاف على نفسى وعلى اللى حواليا فا ما بتوصلش لكدة


السؤال السابع




هل سبق وقفت امام المرآه وقلت انك مجنون ؟


طبعا هههههههه دة العادى



السؤال الثامن



لو معاك 3 وردات هتهديهم لمين؟



الوردة الاولى



ماما


الوردة التانية


اصحابى داخل النت


الوردة التالتة

اصحابى كلهم اللى فى حياتى خارج النت


السؤال التاسع

لو اعطيتك ورقة بها 3 سطور هتكتب اية ؟

السطر الاول


بحبك يا ماما بحبك يا ماما بحبك يا ماما


السطر الثانى


اللهم رضنى بما قضيت لى به



السطر الثالث

امضاء


person in god land


السؤال العاشر

ما هو هدفك فى الحياه؟

مليش احلام كبيرة وفظيعة اكتر من الستر فى الدنيا والاخرة


السؤال الحادى عشر



ان شاء الله بكرة يكون احسن من النهاردة هل تؤمن بهذة المقولة ؟



بصراحة مش طول الوقت بس اوقات لازم يكون فى امل فى ربنا والا منكنش مؤمنين


السؤال الثانى عشر


اجمل مقولة سمعتها فى حياتك ؟


كل كلمة حلوة تاثر فيا كانسانة فى حياتى ويكونلها تاثير بتكون اجمل مقولة



السؤال الثالث عشر


من المطرب المفضل واكتر اغنية بتحبها له ؟

عمرو دياب

بحب كل اغنية غناها عمرو دياب


واكتر اغنية بحبها

هية عاملة اية دلوقت



السؤال الرابع عشر


غزة تمثلك اية فى حياتك ؟


بصراحة عشان مقلش كلام دارج بشكل عام اى حد يتعرض للقتل والتعذيب

وتسلب منة ارضة لازم احط نفسى مكانة وازعل علشانة وفوق دة ودة ان دى القدس ومفتكرش فى حد محتاج وصف ليها


السؤال الخامس عشر


اعطى لانتمائك لوطنك درجة فى المية؟


بحب مصر جدا وكفاية انى فى امان

وادخلوا مصر ان شاء الله آمنين


السؤال السادس عشر


لو انجبت ولدين وبنتين هتسميهم اية ؟

البنتين


راندا


نيرفانا



الولدين


ادهم


هيثم


السؤال السابع عشر


غشيت فى امتحان وانت صغير ؟

وانت كبير وانت السادق بص انا كنت بخاف ومبحبش اغش


بس قبل الامتحان لو نسيت حاجة اسال اى حد واكتبها على الديسك



السؤال الثامن عشر


لو اتعرض عليك رشوة وانت فى زنقة كبيرة تعمل اية ؟


من شب على شىء شاب علية لو متربى فى بيت فية دين وفية حلال وحرام

لما تتحط فى موقف تقدر تحكم ويمكن عشان مبشتغلش فا معرفش الجو بتاع الرشاوى دة ههههههه


بس المبدأ لا يجزأ

وربنا المستعان والشكوى لغيرة مذلة


السؤال التاسع عشر


قول 3 صفات ب 3 كلمات توصف بيهم شخصيتك؟

رومانسية

مجنونة


طيبة


السؤال العشرون


اول مرتب لك وكان كبير يجيب اغلى هدية هتجيب لكل فرد فى عيلتك اية ؟

ولا فلوس الدنيا تكفى انى اجيب اغلى هدية لامى



السؤال الحادى العشرون

اية المجال اللى غير دراستك وشايف نفسك فية اوى ؟


ههههه بكل اسف خلصت عمرى مكرهت حاجة ادخل فيها بالعكس بكمل للاخر لانو نصيب

لنى اهتماماتى كتيرة اوى فى هحتار فا برضا وخلاص بالى انا فية



السؤال الثانى والعشرون

بتحب السفر؟


بصراحة مش اوى لو يدونى منوم على ما اوصل ماشى ههههههههه بس لو مع ناس بحبهم بنطلق ويبقة احلى سفر


السؤال االثلاث وعشرون

تهدى التاج لمين؟

انا بصراحة اهديت التاج لاصحاب قبل كدة كتير ومجوش مش عارفة يمكن محدش شافة بس كلكوا عارفين انى بحبكوا ودايما فكراكوا


وبصراحة بعد وجع الايد دة اخاف عليكوا هههههه


ومش التاج يخلينى افتكركوا وبحبكوا كلكوا بجد يا احلى اصحاب ربنا يخليكوا ليا وانت يا اسامة بصراحة عذرتك التاج طويل اوىىىىى بس حلو واسئلتة حلوة

عاشــــــــــــــــــــــقة

عاوزه أعلن انى عاشقه فى طريق الحب ماشيه

وخدت خلاص قرارى احبك انت بس وبيا كمان تحس


ما الحب منا لينا وهيفضل باقى فينا

يا طيور غنى معايا خلاص حبى هنايا


هيصبحنى بصوته ويمسينى بسكوته

ده سكوت فى الحب واجب علشان عنيه تجاوب

وتقول احلى كلام لاميرته فى المنام

هيقللى تعالى نحلم من غير كلام ياخدنى


لطريق كله حنان بلا دمع فى ابتسام

بحبك وأنتى عاشقه

وآه من الكلمه ديا نسانى معاه الدنيا

بحــــــــــــــــــــــــــــبه

خلاص وناويه اعلن فى الحب اسمه


وارسم بالدم صورته وأعلقها فى خيالى


علشان يكون حلالى

وبحبك يا حياتى يا زمان زمانه آتى

وأنا هستناه وهحبه


وبقلمى خلاص هقله

بحب بيك دنيايا يا حياتى يا هنايا

الحب الأبــــــــــــــــــــــدى

دى اجمل حد فى حياتى اختى الله يرحمها حبيت أكتب علشانها حاجة لانها وحشتنى أوى ياريت كل اللى يشوف البوست يقرالها الفاتحة




عشقت فيكى النظرة البريئة يا أم العيون الخضرا ورقيقة

حباكى ربى جمال فتان يحتار فيكى عشاق الالحان

بكتب بدمى وبدمع عينى دى لمسة منك بتنور طريقى

يا حلوة وسط البنات وبتعشقى السكات

فى سكاتك انتى ضى لطريق وبرسم حى

ترسمهولك اديا على ورقة بيضا ليكى زى القلب تناديكى


يا

رانـــــــــــــــــــــــــــدا

فين الضحكة اللى قمرها عالى وفى القلب والله غالى


دة الاخت اللى فى حنانك فى القلب والله نايمة


وما ترمش عينى ثانية والله الا بلقاكى


وان طال كلامى ليكى دة انا قلبى مليان غناوى مكتوبة مخصوص عشانك

ولحنها فؤادى ليكى وغنتها عنيا

يا راندا فى ليلة ضلمة بتكونى احلى لمبة

يا حببيتى والله ما أقصد دى اللمبة دى كناية

عن نورك يا هنايا


وهقابلك ايوة عارفة واغنيلك غناوى وهيضحكلى زمانى

واخدك فى حضنى تانى


وهقابلك فى المنام واخاف لا توحشينى اخاف تنامى عينى علشان بتوحشينى


بحبك يا أختى


رحمها الله

آهات حبى (جزء 3)

كم أحسست وهو معى كأنى بين ذراعية يضمنى

حتى اكاد اسمع صوت ضلوعى

أكاد أجزم أنة يعشقنى لكن رجولتة تمنعة

من ان يذكرنى ان لحبنا نهاية هى آتية لا محالة

حبى لة لم ولن يجد مثلة

حتى على كوكب الحب نفسة

او

على كيوبيد حب قد اخترق أزمانى

حبى لك هو من جعل للحياة فى قلبى معنى

يا من امتلكت القلب ها هى ايامى

تذكرك بالحب الذى سيملأ عليك الحياة

من عبير حب قد أخترق صومعة قلبك

الى من امتلك الفؤاد لك كل الحب

وأعيش انا مع آهات حبى

ازيكوا يا احلى اصحاب وبكدة تكون آهات حبى انتهت

بحبكوا

تاج الصداقـــــــــــــة جعل منى برنسيس

هاى اصحابى انا فى قمة سعادتى بجد لاكتر من سبب انى بجد كسبت اصحاب جميلة زيكوا

وحاجة كمان ان جالى تاجين من اتنين بحبهم اوى شهرزاد واسامة وبما ان الاتنين الاسئلة واحدة

فا هجاوبك عليها فى بوست واحد بجد بحبكوا اووى وكل حد دخل مدونتى او هيدخلها او مدخلهاش بحبكوا بردو



نبتدى بقة كدة ونسمى وندخل على ...............


السؤال الاول:

أذكر خمس احلام تخص ماضيك وتحلم بتغيير اشياء فيها ماذا ستترك وماذا ستعدل ؟



الحلم الاول: كنت بحلم ان اختى كانت تكون عايشة لحد دلوقتى لانها سابتنى بدرى مفتكرش ممكن اغير او اعدل الحلم دة


الحلم التانى : بردو كنت بحلم بابا يفضل معايا وجمبى هوة بردو سابنى بس مش بدرى وانا صغيرة سابنى بدرى قبل ما يفرح بكل حاجة كان نفسة فيها فيا


بليز متتنكدوش بس السؤال بقة


الحلم الثالث: حلمت انى ادخل كلية هندسة بس انا بقة بغير الحلم دة انا راضية بانى اكون عرفت حاجات عن اثار بلدى بما انى دراستى كلها كانت اثرية



الحلم الرابع: حلمت انى الاقى الانسان اللى بتمناة بس مفتكرش الحلم دة فية تغيير او تعديل لانة بيظل حلم



الحلم الخامس: كنت بحلم ان الناس تشوف اللى بقراة باى طريقة واهوة حصل فا بردو الحلم دة اتحقق مش محتاج تغيير او تعديل




ندخل بقة على........



السؤال التانى:

اذكر خمس احلام تخص مستقبلك وما تتنماة منة ؟


الحلم الاول:بحلم بالستر فى الدنيا الجية وفى الاخرة


الحلم الثانى :بحلم ربنا يخلى لى ماما ويطول فى عمرها وميحرمنيش منها لانها مستقبلى وماضيا وكل حاجة




الحلم الثالث: اقابل ابن الحلال واجيب بنوتة واسميها راندا


الحلم الرابع: ان اصحابى يفضلوا معايا طول العمر لانى بحبهم اوى


الحلم الخامس: بصراحة مش عارفة اكتب اية فى الحلم دة بس انا كدة تمام اوى وراضية جدا بس بحلم بردو مدونتى تفضل حلوة بيكوا يا احلى مدونين


ونروح بقة...........



للسؤال الثالث:



اذكر شخصين على الاقل متواجدين فى حياتك حاليا كنت تود تواجدهم فى الماضى ؟


بصراحة كل اللى معايا دلوقتى معايا من الماضى ودة الحمد لله فا اتمنى يفضلوا معايا




السؤال الرابع:


اذكر شخصين غير متواجدين فى حياتك كنت تتمنى وجودهم ؟



اكيد عرفتوهم الشخصين همة بابا الله يرحمة واختى اللة يرحمها




واخيرااااااااا ايدى وجعتنى


السؤال الخامس:

تهدى التاج لمين؟


بصراحة انا مش محتارة اختار اهدى التاج لمين بس فى على اليمين كدة اكيد شفتوا الناس دى كلها دايما عندى علشان ما اصعبهاش عليكوا لانى شفت الاغلبية جاوبوا على التاج فا انا بهدى التاج ليكوا كلكوا لانى بجد بحبكوا فا وجودكوا معايا فى المدونة اجمل من اى تاج ومفيش تاج يليق بيكوا اكتر من انى بحبكوا يا احلى مدونين

آهات حبى (جزء 2)

اقفل ابواب قلبى واقفل مسامعى واخبرهما ان قلبى سيعلن العصيان علية


سوف لن انسى حبة ولكن قلبى سيخبرة ان النسيان نعمة لصاحبة انما ليس نعمة لمن يتذكرة


نعم سوف اصرخ فى وجهة واخبرة انى اعشقة كيف ينسى حبى وتاخذة دنياة منى


وانا لست بآخذة شىء منة سوى بضع ساعات تكون عندى وكأنها ثوان اعدها القدر لتنتهى مع بداية


اشتعال القلب بنار الحب لتطفئها لحظة الرحيل فقد انتهى وقتى المستقطع معة ولم اخبرة عن مدى حبى لة


ولم يخبرنى كم يعشق الطفلة التى بداخلى لم يسعفة الوقت ليضمنى ويشعرنى بالدفء والحنان


اعشق الطفل الذى بداخلة والذى يخرج وهوة معى وكانى ام تداعب طفلها






انتظروا الجزء الثالث وحشتونى كتير

آهات حبى

هويت الحب حبا فى من احببت وأرتويت بحب من احببت



جعلنى حبة هائمة فى بحر حب ليس لة نهاية


بدايتة أكاد اعرفها اما النهاية فهى ليست بنهاية



انما هى طريق قد امتد امتدادا تكاد العين ان تأتى بنهايتة


محبوبى غافلآ عنى وانا لست بغافلة عنة


كيف تغمض عيناة وعيناى تتذكران همساتة ضحكاتة


تنهيداتة لا تخجل عيناى ان تتذكر لمسة يدية لشفاهى


انما تخجل ان تغمض جفونى واذهب فى سبات عميق

أقاسيا هو ؟


أم اتعبة حبى فقرر ان ينام وينسى كيف تهوى اذنى سماع

آهات حبة ولو من بعيد لما لا افعل مثلة واغمض عيناى ؟

صـــــــــــــــــــــرخة أنثـــــــــــــــــــى

السلام عليكم للجميع طبعا كلنا شفنا مسلسل صرخة انثى وافتكر عجبنا كلنا وهز فينا كلنا حالة موجودة بيننا وتخيلنا كلنا شوية افرض انا كنت مكانها او افرضى انا كنت مكانها بصراحة انا تفاعلت مع الموضوع دة وهزنى واثر فيا كمشاهدة فا حبيت اكتب عنو اية رايكوا تقروا معايا وهنشوف سوا تفاعلتوا معايا زى ما انا تفاعلت مع المسلسل والحالة ولا لا

صرخــــــــــــــــــــــــــة أنثـــــــــــــــــــــــــــــى

من صغرى بحب العب بعرايس البنات

وبحب كمان اغنى لها زى كل الامهات

حسيت من صغرى انى فى جسم مش بتاعى

جوايا انثى ساكنة عالوضع الحالى ساخطة

وانا زنبى اية قولوا لى دة ربى وحدة رايد اكون ست البنات

انا اصلى انثى كاملة وكمان لربى عايشة

ما اغضبش فيها ربى واكون انا فيها حرة

اسمعنى يا ابويا وانت هتسدق انى انثى

هتقلى عاوز ولد عاشن الضهر يتسند

اقلك امسك ايدى هتلاقى فيا راجل

معاك الحمل شايل متقلش انى ضعيف

عشان بقيت انا بنت قول ربى اصطفانى

وادانى بنت عمرى اشيلها جوة عينى

واسلمها بيمينى الحمل وانا مبسوط

يا دموع عنيا جفى وبالوضع دة ما ترضى

اخرجى يا انثى لحياتك وعيشة كل اللى فاتك

فى الدنيا قلوب رحيمة هتحولنى لاميرة

وخلاص هعيش حياتى فى حياة بعد الممات

جويا انثى كاملة براها شكل راجل وخلاص رجولتى راحت وجت مكانها انثى وبالشعر الغجرى امشى واتمايل بكل رقة

اتمنى تكون عجبتكوا تحياتى

كرهت فيك

فارقنى وابعد خلاص مبقتش اسدق اخلاص

حبيتك خنت قلبى وبعدت انت وهواك

كرهت فيك حنانك الزايف وابتسامك

ضحكت عليا وانت قلبك مكنش ليا

ونسيت حببية قلبك البنت الاولانية

الحب كان فى اديها اجمل ما كان وكان حبك جواها ذكرى فى زمان مليان هوان

ابعد انت وقساك وانا مش هكون معاك يا قاسى انت فى حنانك

جرحك خلاص نسيتة ومن قلبى خلاص رميتة

هدعى من كل قلبى متكنش ليك حببية وتعذب فيها وتنسى انها كانت القريبة

كرهت فيك حنانك الزايف وابتسامك ضحكت عليا وانت قلبك مكنش ليا

ويارب هوة فين الحب الصافى فينة هستنى اكيد وعمرى هيكون فدا لعينة

كرهت فيك حنانك

وحشتنى يا بابا

بعدت يا بابا من زمن الخطابا ورحت لحياة ريحتها طيابا

سبت قلبى خالى من غيرك فى الليالى لا عندى حضن دافى والحمل فوق كتافى

وحشنى كتير حنانك وكلامك وابتسامك

قعدت كتير لوحدى افتكرك يا ابو الصبايا

فين لما كنا نقعد فى الفجر تحكى لى الحكاية اسمعها القلب يفرح

دة يوم فراقك ما يتنسيش يومها القلب صار ضعيف ومن البكا اصبح رقيق

حطيت حمولى فوق كتافك دة يوم مماتك كان يوم حزين بكت عليا فية السنين

دة بباكى راح خلاص فارق خلاص حياتك وهتنسى كل اللى فاتك

دة يوم وفاتك يا بابا يوم ما يتنسيش

الله يرحمك يا والدى